Gjatë 24 orëve të fundit, në Laboratorin e Mikrobiologjisë Molekulare në IKSHPK dhe laboratorët private me metodën RT-PCR, si dhe laboratorët publike dhe private me metodën RAT, janë testuar gjithsej 2,102 mostra të marra nga SHSKUK dhe gjurmimi i kontakteve të rasteve në terren, prej të cilëve rezultojnë 25 raste pozitive.
Brenda 24 orëve nuk është raportuar për raste të vdekjes me SARS CoV-2.
Ndërsa, gjatë kësaj periudhe është shëruar vetëm 1 pacient.
Në total numri i rasteve aktive është 161.
Për sa i përket vaksinimit, në 24 orët e fundit janë dhënë 1,149 doza kundër COVID-19.
Prej fillimit të vaksinimit në të gjitha qytetet e Kosovës janë dhënë 357,920 doza të vaksinës. Deri më sot, 108,700 qytetarë janë vaksinuar me dozën e dytë. /Telegrafi/
