E plotësuar: Policia e Kosovës ka bërë të ditur se një person është lënduar në aksidentin që ka ndodhur në afërsi të mensës së studentëve në Prishtinë.
Lajmin për Telegrafin e ka konfirmuar zëdhënësja e policisë, Flora Ahmeti.
“Sot rreth orës 10:00, në udhëkryqin që lidhë rrugët “Agim Ramadani” dhe “Eqrem Çabej” në Prishtinë, ka ndodhur një aksident trafiku, ku është përfshirë një veturë. Si pasojë e aksidentit një person ka pësuar lëndime trupore”, ka thënë Ahmeti.
Ajo ka shtuar se policia ka nisur një hetim për zbardhjen e shkaqeve të këtij vetaksidenti. /Telegrafi/
—-
Një vetaksident trafiku ka ndodhur sot në udhëkryqin te mensa e studentëve në Prishtinë.
Nga fotografit që ka siguruar Telegrafi shihet se një veturë ka goditur një shtyllë elektrike.
Dëmet materiale janë të mëdha ndërkaq nuk dihet nëse ka pasur të lënduar. Në vendin e ngjarjes kanë dalë edhe njësitet policore.
Telegrafi do tju mbajë të informuar. /Telegrafi/
