Kryetari i Partisë Demokratike të Kosovës, Kadri Veseli ka përkujtuar heroin, Xhavit Haziri.
Veseli ka thënë se Haziri i takonte gjeneratës që i ka përgatitur ata për luftën çlirimtare.
“Rezistenca jonë shekullore kundër okupatorit serb, vijoi me gjenerata. Heroi Xhavit Haziri i takonte gjeneratës e cila përgatiti, ngriti dhe mori pjesë aktive në luftën tonë çlirimtare. Sot, e kujtojmë me nderim të thellë veprimtarinë e tij të jashtëzakonshme”, shkruan Veseli.
I pari i PDK-së, tha se atdheut dhe kombit i mungon vendi ku do të vendoseshin kurora me lule, por që nderimi nuk do të mungojë kurrë.
“Ai do të kidnapohej nga forcat okupatore, por, shpirti i tij atdhetar, kurrë nuk do të zhduket as nështrohet. Atdheut dhe kombit i mungon ende vendi ku të vendosim kurora me lule, por nderimi nuk do të mungojë kurrë. Lavdi e përjetshme për heroin Xhavit Haziri”, tha ai. /Telegrafi/
