Pandemia coronavirus ka bërë që artistët shqiptarë të jenë më kreativë sa i përket realizimit të projekteve të tyre.
Njëjtë ka vepruar edhe këngëtarja Vesa Smolica, e cila përmes projektit të ri muzikorë do të publikojë videot e protagonistëve të ndryshëm në klipin e këngës.
Kënga do të jetë në bashkëpunim me kitaristin Faton Macula, ndërsa këngëtarja ua kishte treguar më herët idenë fansave të saj.
Porse, ideja e saj duket të jetë kopjuar. Kështu të paktën duket përmes një postimi që ajo e ka bërë në profilin e saj në Instagram, duke se theksuar se kjo nuk është e gjitha, pasi shumë gjëra të reja nuk janë shpalosur ende.
“Dëgjova që më kanë vjedhur idenë e videoklipit në mungesë talenti dhe futjes në funksion të trurit për ide inovatore. Kopjues të këqij, sepse fatmirësisht e gjithë ideja nuk është shpalosur ende. Tash e keni vulosur që jeni duke më përcjellë me vëmendje në çdo hap, veçse nuk bëni zë. Ju dua fansa”, ka qenë shkrimi i Vesës.
Përmes këtij projekti, këngëtarja ka ndër mend që në klipin e ri të shfaqë copëza videosh nga njerëzit e zakonshëm të realizuar në këto ditë karantine. /Telegrafi/