Vesa Smolica këtë vit është kthyer në një emër shumë të komentuar për shkak të paraqitjes në Big Brother VIP Albania 3.
E ftuar në emisionin “Reload”, ajo ka folur sërish për eksperiencën në këtë reality shou si dhe për projektet e tjera që do të sjellë në vijim.
Artistja nga Gjakova gjithashtu ka konfirmuar se do të nisë të këndojë në zhanrin popullor.
“Unë njëherë jam në atë fazën e tranzicionit sepse jam duke kaluar prej një zhanri në një zhanër tjetër. Në zhanrin e dasmave, pra me këngë popullore”, u shpreh ajo.
Këngëtarja theksoi: “Sfida më e madhe është që të gjitha këngët të duken të njëjta, por unë në Gjakovë jam rritur më këtë muzikë dhe normalisht varet nga kjo. Talent show që kam marrë pjesë më kanë ndihmuar me manovru shumë edhe me eksperimentu me zhanre. Tash jam ka du më shumë popullore, kështu po e do tregu. Ka më shumë meshkuj te muzika popullore kështu që duhet të hyjnë sa më shumë nuk ka diçka të keqe”, ka thënë mes tjerash Smolica.
E njëjta këtë kohë ka qenë duke praktikuar një zhanër krejtësisht tjetër, larg popullores.
Vesa gjithashtu në vijim tha se do të sjellë disa këngë, e po ashtu edhe një bashkëpunim me Ervin Gonxhin. /Telegrafi/
