Çifti i njohur i estradës shqiptare, Big Basta dhe Vesa Luma, ka tashmë pothuajse gjysmë dekade që janë zhvendosur në Zelandën e Re.
Ata kanë gjetur atje qetësinë dhe stabilitetin bashkë me të voglin e tyre, Lian, gjersa kjo ka qenë edhe arsyeja pse viteve të fundit nuk kanë qenë aktivë apo permanentë në muzikë.
Dyshja përndryshe janë mjaft aktivë dhe të ndjekur nga fansat në rrjetet sociale, në të cilat shpesh ndajnë me ta fotografi dhe video të ndryshme nga jeta e tyre.
Ka qenë së fundmi këngëtarja e hitit “Amanet”, ajo e cila ka publikuar disa fotografi të përbashkëta të çiftit, ku shihen teksa shijojnë banjat e nxehta të Zelandës së Re.
Çifti kanë realizuar një fotografi, ku Vesa mund të shihet e sigurte teksa mbështetet në krahët e burrit të saj, ndërkohë që shijojnë banjën me ujë të ngrohtë.
Këto imazhe janë realizuar me rastin e një loje “giveaway” që Vesa po organizon për ndjekësit e saj në Instagram.
E njëjta gjatë ditës publikoi edhe një video në TikTok, ku shihej duke i prezantuar publikut të saj me disa nga mrekullitë e Zelandës – që njihet si një prej shteteve më paqësore dhe me bukuri natyrore në botë. /Telegrafi/