Marco Verratti mendon se bashkëlojtari i tij te Paris Saint-Germaini, Thiago Silva, është lojtar më i mirë se Leonardo Bonucci apo Giorgio Chiellini.
Mesfushori italian luan me dyshen e Juventusit te kombëtarja e Italisë, mirëpo beson se qendërmbrojtësi brazilian është më i miri në botë për pozitën e tij.
“Kapiteni! Një përbindësh! Ai është mbresëlënës”, ka thënë Verratti për Goal.
“Ai është një prej dy më të mirëve në botë, së bashku me Sergio Ramos. Pas tyre janë Giorgio Chiellini dhe Leonardo (Bonucci), por ata kanë nevojë për njëri-tjetrin, derisa Thiago Silva është i mirë me këdo që luan”.
“Ai është kapiteni që flet shumë në zhveshtore”, ka shtuar mesfushori italian. /Telegrafi/