Jordan Veretout do të jetë futbollisti i parë që do të largohet nga Roma gjatë afatit kalimtar veror.
Në fakt finalja e Tiranës përballë Feyenoord, do të jetë ndeshja e fundit për francezin me fanellën e Giallorosëve.
Trajneri i Romës, Jose Mourinho nuk e ka më në planet e tij francezin dhe i ka bërë të qartë se duhet të gjej një ekip të ri.
Megjithatë 29-vjeçari nuk është keq sa i përket ofertave, pasi ka katër opsione shumë interesante për ta vazhduar karrierën.
Milan dhe Napoli e duan në Itali, derisa Newcastle United ka shfaqur interesim në Ligën Premier.
Gjithsesi opsioni më real duket rikthimi në Francë me Olympique Marseille që mbetet skuadra favorite për të nënshkruar me francezin autor të katër golave e 10 asistimeve këtë edicion.
Roma është duke synuar të fitojë rreth 20 milionë euro nga shitja e Veretout. /Telegrafi/