Njëri nga talentet më të mëdhenj në futboll, Vinicus Junior ditë më parë është prezantuar te Real Madridi.
Kampionët e Evropës kanë paguar 45 milionë euro për transferimin e brazilianit nga Flamengo.
Vinicius ka nënshkruar një kontratë afatgjate me Realin deri në qershor të vitit 2025.
Por Reali 18-vjeçarin nuk e ka regjistruar në ekipin e parë, por në Real Madrid U19.
E mediat spanjolle kanë zbuluar edhe arsyejen pse Reali e ka bërë një gjë të tillë.
Vinicius është regjistruar në ekipin e të rinjve për mos ta zënë një vend si lojtar ekstra komunitar.
Gjithnjë sipas Marca-s, Los Blancos po përgatiten për një transferim të bujshëm gjatë kësaj vere.
Edhe pse është regjistruar si lojtar i Real Madrid U19, Vinicius ka të drejtë të luaj si për ekipin e të rinjve ashtu edhe për ekipin e parë të kampionëve të Evropës. /Telegrafi/