Kryetari i Nismës Evropiane për Stabilitet, Gerald Knaus, ka përshëndetur vendimin e sotëm të Qeverisë së Kosovës për zbatimin e vendimit të Gjykatës Kushtetuese për pronat e Manastirit të Deçanit.
Knaus ka thënë se vendimi i sotëm i Qeverisë i hap derën Kosovës për anëtarësim në Këshillin e Evropës, duke lavdëruar angazhimin e Dora Bakoyannis, raportuese për Komisionin e Çështjeve Politike të Asamblesë Parlamentare të Këshillit të Evropës (APKE) për aplikimin e Kosovës për anëtarësim në Këshillin e Evropës.
“Duke ndihmuar në zgjidhjen e çështjes së tokës së Manastirit të Deçanit pas më shumë se një dekade – dhe duke hapur kështu derën për anëtarësimin e Kosovës në Këshillin e Evropës si anëtare e 47-të në vitin e saj të përvjetorit (75 vjet të Këshillit të Evropës)- si e vetmja demokraci evropiane ende jashtë – Dora Bakoyannis po shkruan histori”, ka shkruar Knaus, në një postim në platformën X, transmeton Telegrafi.
Knaus ka thënë se “kjo është në interes të të drejtave të njeriut, të shtetit të së drejtës, të Kosovës dhe të bashkësisë së Manastirit të Deçanit, një monument historik me të kaluar të madhe”.
🇽🇰🇪🇺🇬🇷
By helping to resolve the Decani land issue after more than a decade – and by opening thereby the door to Kosovo joining the Council of Europe as 47th member in its anniversary year (75 years of the @coe) – as the only European democracy still out! – @Dora_Bakoyannis 🇬🇷… https://t.co/EOL0UBgjDC pic.twitter.com/VeTroxN5G2
— Gerald Knaus (@rumeliobserver) March 13, 2024
Kryeministri i Kosovës, Albin Kurti, ka thënë të mërkurën se Qeveria i ka kërkuar Agjencisë Kadastrale të Kosovës ta zbatojë vendimin e Gjykatës Kushtetuese të Kosovës të vitit 2016 për tokën e Manastirit të Deçanit. /Telegrafi/