Vëllai dhe agjenti i Paulo Dybalas, Gustavo kanë pohuar se nuk ka çështje personale midis tij dhe Cristiano Ronaldos, pasi problemet me të janë në fushë.
Dybala është lojtari i fundit që po lidhet me një largim nga klubi italian këtë verë duke parë mundësitë e tij të reduktuara me ardhjen e yllit portugez, Ronaldo.
Ylli portugez po del të jetë problemi kryesor i Dybalas, por brenda fushës dhe jo jashtë saj, ka thënë vëllai i argjentinasit, Gustavo.
“Nuk ka probleme me Ronaldon jashtë fushës, problemet janë në fushë”, ka thënë fillimisht Gustavo Dybala për Radio Impact Cordoba.
“Ju nuk mund ta mundni Ronaldon dhe Paulo është i ri”.
“Ka shumë mundësi që Paulo të largohet nga Juventusi, ai ka nevojë për një ndryshim, nuk është i lumtur dhe nuk është i vetmi që do të largohet”.
“Shumë lojtarë janë të pakënaqur te Juventusi, jo vetëm te Paulo”.
“Ai ishte shumë i kënaqur në Itali, por tani ai nuk është”, përfundoi vëllai i sulmuesit të Juventusit, i cili pritet ë largohet nga Italia. /Telegrafi/