E ardhmja e Antoine Griezmannit te Barcelona është në dyshime, sidomos pas barazimit 2-2 ndaj Atletico Madridit në mbrëmjen e të martës.
Sulmuesi francez kaloi te katalunasit për 120 milionë euro nga Rojiblancos në verën e vitit 2019, mirëpo u inkuadrua në minutën e 90-të ndaj ish-skuadrës së tij.
Trajneri i Barcelonës, Quique Setien e inkuadroi në lojë fillimisht Ansu Fatin, e në tre minutat e fundit të takimit, i dha shansin edhe Griezmannit kur rezultati ishte 2-2.
Lojtari 29-vjeçar e zëvendësoi Arturo Vidalin, mirëpo koha për të që të tentonte të bënte ndonjë ndryshim në rezultat ishte shumë e pakët.
Për këtë inkuadrim të vonshëm të Antoines në lojë, ka reaguar vëllai i tij Theo Griezmann, që e ka quajtur veprimin e Setienit si qesharak.
“Dua të qaj, seriozisht”, kishte shkruar Theo në llogarinë e tij në Twitter.
Por, pas pak minutash, ai e kishte fshirë postimin e bërë, duke ditur se mund t’i shkaktonte probleme Antoines te Barcelona. /Telegrafi/
Antoine Griezmann's brother Theo expressed his dissatisfaction with Quique Setién on Twitter during the game yesterday. He wrote over the fact Griezmann only played two minutes, as well as stating that he wanted to cry. A few minutes later, he deleted the tweets. [sport] pic.twitter.com/SOdlPGDGo2
— barcacentre (@barcacentre) July 1, 2020