Ministri i Ministrisë së Punëve të Brendshme, Agim Veliu gjatë një takimi që pati me shefin e Zyrës së BE-së në Kosovë, përfaqësuesin e Posaçëm të BE-së, ambasadorin Tomas Szunyog biseduan për bashkëpunimet mes MPB-së dhe Zyrës së BE-së, siç është fuqizimi i sundimit të rendit dhe ligjit në Republikën e Kosovës.
Sipas një njoftimit për media thuhet se Veliu njoftoi Szunyog për prioritet e Ministrisë së Punëve të Brendshme, duke theksuar se prioritet kryesor është luftimi i korrupsionit dhe i të gjitha llojeve të tjera të krimit.
Siç thuhet në njoftim, temë diskutimi ishte po ashtu edhe reformimi i administratës publike në vend ku ministri Veliu theksoi se është i interesuar që punët të ecin në drejtimin e dëshiruar dhe në pajtim me objektivat që do t’ia parashtrojë vetës qeveria e Republikës së Kosovës.
Shefi i Misionit të BE-së në Kosovë, ambasadori Szunyog i premtoi ministrit Veliu se Bashkimi Evropian mbetet i përkushtuar në fuqizimin e bashkëpunimit me të gjitha institucionet e sigurisë dhe shprehi gatishmërinë për përkrahje të mëtejme. /Telegrafi/