Analisti, Blerim Vela përmes një postimi në Facebook ka thënë se emri i mandatarit për qeverinë e re do t’i dërgohet Lëvizjes Vetëvendodje.
Vela theskon se letra duhet të jetë me të njëjtën përmbajtje që presidenti i vendit, Hashim Thaçi i kishte dërguar Partisë Demokratike të Kosovës, në gusht të vitit 2019.
Ai tha se nuk ka ndonjë kufizim kohor se kur duhet Lëvizja Vetëvendosje t’i përgjigjet letrës, duke shtuar se çdo përmbajtje tjetër e letrës do të sihte në kundërshtim me Kushtetutën e Kosovës.
“Letra që do t’i dërgohet LVV-së nga Hashim Thaçi do të jetë e njejtë si ajo drejtuar PDK-së në gusht 2019. LVV-së do t’i kërkohet emri i mandatarit për qeverinë e re, por pa kufizim kohor se kur duhet të përgjigjet. Çdo përmbajtje tjetër e letrës do të jetë në kundërshtim me Kushtetutën e vendit”, shkruan Vela, ndërsa bashkë me pshkrimin ka postuar edhe letrën që Thaçia ia drejtoi Veselit në gusht të 2019, kur ish-kryeministri, Ramush Haradinaj dha dorëheqje.
