Sulmuesi i përfaqësueses së Kosovës, Vedat Muriqi, ka shprehur kënaqësinë për fitoren me rezultat 4-0 ndaj Azerbajxhanit.
Kosova ishte e papërmbajtshme ndaj Azerbajxhanit në stadiumin “Fadil Vokrri”.
Djemt tanë shënuan plot katër gola duke mos u kontestuar asnjëherë nga mysafirët që kërkonin fitoren.
Muriqi pas takimit deklaroi se shpreson se ekipi do të vazhdojë kështu edhe në gjysmëfinale për të siguruar kualifikimin në Euro 2020.
“Është diçka e jashtëzakonshme. E arritëm atë që deshëm. Shpresoj që në vitin 2020 të vazhdojmë kështu në gjysmëfinale dhe të arrijm në Kampionatin Evropian (Euro 2020”.
“Jemi bërë ekip i mirë, me këta tifozë shpresoj t’i bëjmë të lumtur”, deklaroi Muriqi për Supersport pas ndeshjes.
Kosova e përfundoi kampanjën në grupin 3 të Ligës D të Ligës së Kombeve si lidere dhe do të luajë në gjysmëfinale ndaj Maqedonisë në kërkim të finales e cila përcakton skuadrën që kualifikohet në Euro 2020. /Telegrafi/
