Një grua ka vdekur të enjten mbrëma në një spital privat në Prizren.
Siç njofton policia, rastin e ka raportuar djali i saj, i cili ka thënë se nëna i ka vdekur gjatë operacionit.
Zëdhënësi i Policisë për Rajonin e Prizrenit, Vesel Gashi, ka bërë të ditur se rasti po hetohet si “Trajtim i pa ndërgjegjshëm mjekësor”
“Me datën 23.06.2022 rreth orës 17:10, kemi pranuar një informatë se një person ka ndërruar jetë në ordinancën private, e cila gjendet ne rrugën Gjeravica në Prizren. Reagimi policor ishte i menjëhershëm, patrullat kanë dalë ne vend ngjarjes ku kanë kontaktuar me palën ankuese, ku i njëjti deklaron se nëna e tij, gjatë operacionit ka ndërruar jetë”, ka deklaruar Gashi.
Tutje Gashi ka njoftuar se të gjitha njësitet relavante kanë dalë ne vendin e ngjarjes dhe po merren me rastin.
Po ashtu është njoftuar prokurori i shtetit, i cili ka dal ne vendin e ngjarjes. Trupi i pajetë është dërguar në Institutin e Mjekësisë Ligjore në Prishtinë.
Rasti po hetohet nga njësitet rajonale të hetimeve në Prizren./Telegrafi/