Në raportin e Policisë së Kosovës bëhet e ditur se një person derisa ka qenë duke prerë dru në pyll, traktori i tij është rrokullisur duke lënduar rëndë viktimën, i cili më pas ka ndërruar jetë.
Rasti ka ndodhur të premten në fshatin Malaj të Rugovës, në ora 16:00.
“Është raportuar se viktima mashkull kosovar deri sa ka qenë duke prerë dru në pyll, traktori i tij është rrokullisur duke lënduar rëndë viktimën. Viktima pasi është dërguar në emergjence ka ndërruar jetë”, thuhet në raport.
Me vendim të prokurorit trupi i pa jetë i viktimës është marrë nga Mjekësia Ligjore për obduksion. Rasti është duke u hetuar. /Telegrafi/