Një ngjarje tragjike ka ndodhur të dielën pasdite në fshatin Treboviq të Pejës, ku një fëmijë humbi jetën pasi që kishte rënë nga ballkoni i një shtëpie.
Lajmin për Telegrafin e ka konfirmuar zëdhënësi i policisë për rajonin e Pejës, Driton Rugova.
Ai ka bërë të ditur se fëmija kishte shkuar mysafir me nënën e tij, në momentin kur ai ra nga ballkoni.
“Më datë 02.04.2023, rreth orës 15:30, Policia është informuar ne në fshatin Treboviq- Pejë, ka ndodhur një incident, ku një fëmijë ka rënë nga ballkoni i një shtëpie tek të cilët së bashku me nënën e tij kishin shkuar si mysafir.
Fëmiu është dërguar në Spitalin Rajonal në Pejë, mirëpo sipas ekipit mjekësor fëmiu në spital ka arritur pa shenja jete”, ka thënë Rugova.
Ai ka shtuar se njësitet relevante kanë dalë ne vendngjarje dhe pas konsultimit me Prokurorin e shtetit trupi i pajetë i viktimës iu është kthyer familjarëve për ceremoni mortore dhe rasti cilësohet “Hetim i vdekjes”. /Telegrafi/