Bashkëlojtarët e Real Madridit kanë mësuar se Lucas Vazquez pret të bashkohet me Manchester Unitedin këtë verë.
Sipas mediumit spanjoll Diario Gol, Vazquez i ka njoftuar bashkëlojtarët e tij në zhveshtore se pritet të largohet gjatë verës nga Santiago Bernabeu.
Ky medium raporton gjithashtu se mesfushori spanjoll u ka treguar edhe destinacionin e ri bashkëlojtarëve të tij.
Pretendohet se ai u tha shokëve të skuadrës se “Do të shkoj në United” – një zbulim që habiti tej mase Cristiano Ronaldon.
Jose Mourinho thuhet se është një tifoz i madh i spanjollit dhe ai e di se mund ta fitojë atë duke i ofruar atij vendin e titullarit te Unitedi.
Vazquez, 26-vjeç, konsiderohet pjesë e planit B të Zinedine Zidanes dhe ai ka luftuar për të gozhduar një vend titullari në skuadër.
Spanjolli mund të krahasohet me Ivan Perisic, i cili ishte i ndjekur nga Mourinho një vit më parë, pasi të dy janë anësor tipik.
Për Vazquezin interesim kanë shprehur edhe gjigantët tjerë anglez, Liverpooli. /Telegrafi/