Arijanet Muric, po vazhdon me paraqitjet e tij të jashtëzakonshme me fanellën e Adana Demirspor në elitën e futbollit turk.
Gjiganti kosovar ishte njëri nga lojtarët vendimtarë në fitoren e Adana Demirspor në udhëtim te Rizespor, ku triumfuan me rezultat 3-1.
Në minutë e 79-të, Muric u detyrua ta lëshonte takimin për shkak të një lëndimi që pësoi gjatë përplasjes me një nga lojtarët kundërshtar.
Megjithatë, për aq sa ishte prezent në fushën e lojës, 23-vjeçari arriti ta siguronte vendin e tij në formacionin e javës së 24-të në Superligën turke.
Forma fantastike e Aros ka bërë që pas tij të vihet edhe gjiganti turk Galatasaray, të cilët e shohin portierin kosovar si opsionin më të mirë për edicionin e ri.
Me skuadrën e Adanas, Muric gjendet momentalisht në pozitën e tretë në tabelë, me 40 pikë të mbledhura.
Kjo nuk është hera e parë që Aro përfundon në formacionin e javës në Turqi, pasi ai këtë gjë e ka bërë rreth shtatë herë. /Telegrafi/