Vazhdon shkëlqimi i Abazajt te Anderlechti, dy asistime ndaj Ajaxit

Sulmuesi i talentuar i Kombëtares së Shqipërisë, Kristal Abazaj ka vazhduar shkëlqimin e tij te Anderlechti.

I transferuar muaj më parë në Belgjikë nga Luftëtari, Abazaj ka zhvilluar një tjetër ndeshje mbresëlënëse me gjigantin belg.

Reprezentuesi i Shqipërisë ditë më parë i kishte shënuar gol skuadrës së madhe holandeze PSV Eindhoven.

Ndërkohë tani Abazaj ka qenë titullar ndaj skuadrës së dytë të Ajaxit, ku Anderlechti fitoi me rezultat 5-3.

22-vjeçari tregoi një formë mjaft të mirë, ndërsa arriti të asistojë në dy prej golave të belgëve.

Abazaj shkëlqeu në sezonin e fundit te Luftëtari dhe tërhoqi vëmendjen e shumë klubeve evropiane, por zgjodhi t’u bashkohet gjigantëve belgë, për të vijuar karrierën. /Telegrafi/