Qindra qytetarë që janë pro pavarësisë së Katalonisë kanë dalë për herë të shtatë nëpër rrugët e Barcelonës, duke protestuar për vendimin e gjykatës që dënoi me burgim liderët separatistë.
Një grup i madh demonstruesish kanë bllokuar rrugën jo larg ndërtesës së qeverisë spanjolle në Kataloni, kurse vetura të shumta që policisë para ndërtesës është sulmuar me thasë me mbeturina. E një grup tjetër më i vogël i demonstruesve kanë bllokuar sheshin Meridian, në pjesën lindore të qytetit, transmeton Telegrafi.
Megjithatë siç raporton Reuters, nuk ka pasur shenja dhune që kishte shokuar Barcelonën gjatë ditëve të kaluara.
“Jemi njerëz të paqes”, shkruante në një transparentë që e bartnin me vete demonstruese nëpër Meridian.
Në anën tjetër ushtruesi i detyrës së ministrit të Policisë, Fernando Grande-Marlaska, ka deklaruar ditë më parë se gjatë përleshjeve janë lënduar 288 policë, arrestuar 194 qytetarë si dhe janë dëmtuar 267 vetura të policisë. Gjithashtu është konfirmuar se janë lënduar edhe disa qindra demonstrues. /Telegrafi/
