Varianti Omicron i COVID-19 ka shkaktuar kërdi te skuadra e Barcelonës, pasi testimet e fundit kanë sjellë edhe tri rezultate pozitive, me Philippe Coutinho, Sergino Dest dhe Abde Ezzalzouli, duke çuar në 10 numrin e lojtarëve të infektuar me virusin.
Testet e së enjtes zbuluan se Coutinho, Dest dhe Abde ishin bartës të virusit, dhe kjo vjen një ditë pasi Ousmane Dembele , Samuel Umtiti dhe Gavi gjithashtu rezultuan pozitivë.
Katër lojtarët e tjerë në skuadrën e Barcelonës që kanë COVID-19 aktualisht janë Dani Alves, Jordi Alba, Clement Lenglet dhe Alejandro Balde.
Prandaj, Xavi Hernandez do të jetë shumë i shkurtër në numrat e lojtarëve për ndeshjen e Barcelonës në udhëtim te Real Mallorca më 2 janar, me Sergio Busquets të pezulluar dhe lojtarë si Ansu Fati, Pedri, Memphis Depay dhe Sergi Roberto janë të gjithë të lënduar.
“Sergino Dest, Coutinho dhe Ez Abde pozitiv për COVID-19. Lojtarët janë në gjendje të mirë shëndetësore dhe janë të izoluar në shtëpi”.
“Klubi i ka raportuar rastet tek autoritetet përkatëse”, thuhet në njoftimin zyrtar të Barcelonës. /Telegrafi/
[MEDICAL UPDATE]
Sergiño Dest, Coutinho and Ez Abde positive for COVID-19.
The players are in good health and self-isolating at home.
The Club has reported the cases to the relevant authorities. pic.twitter.com/pQVqwkykjT
— FC Barcelona (@FCBarcelona) December 30, 2021