Vasfije Krasniqi- Goodman do të dekorohet me medalje presidenciale nga presidenti i Kosovës, Hashim Thaçi.
Presidenca e Kosovës ka njoftuar se nesër në orën 09:00, Krasniqi do të dekorohet me Medalje Presidenciale.
Vasfije Krasniqi në një intervistë për RTK-në ka rrëfyer me lot në sy për torturat që kishte përjetuar në luftë, e që në atë kohë ishte 16 vjeçare.
Vasfije Krasniqi ishte viktimë e dhunës seksuale gjatë luftës së Kosovës.
Ajo mbrëmë rrëfeu rastin e përdhunimit të saj nga forcat e policisë serbe në prill të vitit 1999.
Për rastin e Vasfijes janë gjykuar dy serbë, të cilët gjykatat e Kosovës i kanë shpallur të pafajshëm.