Raphael Varane do donte ta shihte Kylian Mbappen të vinte në Real Madrid dhe thotë se shpreson të diskutojë këtë mundësi me yllin e Monacos.
Mbappe është një nga lojtarët më premtues të Evropës, duke shënuar 15 gola në 29 paraqitje bë Ligue 1 dhe gjashtë gola tjera në nëntë ndeshje në Ligën e Kampionëve.
Reprezentuesi francez ka tërhequr interes nga ekipet më të mira të Evropës, përfshirë Madridin, dhe Varane shpreson që ai të përfundoj në klubin kryeqytetas.
“Mbappe është një djalosh shumë i mirë me një potencial të madh”, ka thënë fillimisht Varane për Telefoot.
“Do të ishte kënaqësi ta shihja këtu [Real]”, transmeton Telegrafi.
“Përveç kësaj, ai është francez, kështu që do të jetë i mirëpritur. Do ta diskutoj me të rreth një transferimi”, përfundoi mbrojtësi francez.
Ndryshe, më herët gjatë ditës u përfol rreth një oferte rekord botëror të Manchester Cityt për talentin francez. /Telegrafi/