Ernesto Valverde është i bindur se legjenda Xavi Hernadez është i denjë për të drejtuar si trajner Barcelonën.
Xavi konfirmoi të enjten se do të tërhiqet nga futbolli i luajtur në fund të sezonit dhe do t’i përkushtohet punës si trajner.
Mesfushori 39-vjeçar është një nga lojtarët më të titulluar në historinë e futbollit.
Ai fitoi afër 30 trofe gjatë 17 viteve me Barcelonën, duke u kthyer në një legjendë për Barcelonën dhe suksesin e tij mund ta vazhdoj edhe si trajner mendon Valverde.
“Ai është një nga mesfushorët më të mirë të viteve të fundit, asnjë pasim që dha nuk ishte i parëndësishëm”, tha Valverde.
“Xavi është një nga lojtarët më të mirë në historinë e futbollit. Ishte e mahnitshme ta shikoje atë tek luante”.
“Unë mendoj se të gjithë presin që Xavi të jetë trajner. Ai ka profilin që të drejtojë Barcelonën, apo kudo që të jetë. I uroj fat, natyrisht”, përfundoi spanjolli.