Trajneri i Barcelonës, Ernesto Valverde ka thënë se sulmuesi i Interit, Lautaro Martinez është një lojtar i shkëlqyeshëm dhe po ka një sezon të madh.
Gjigantët spanjollë takohen me Interin, nesër në ndeshjen e fundit të grupeve në Ligën e Kampionëve.
Interit i duhet patjetër fitorja, ndërsa Barcelona e ka siguruar vendin e parë dhe e ka pushuar Lionel Messin për këtë takim.
“Unë pres një Inter të shkëlqyeshëm. Ne po luajmë në San Siro, do të jetë një lojë e rëndësishme dhe e vështirë. Edhe pse jemi kualifikuar, duhet të jemi ndeshje konkurruese”.
“Ne nuk kemi fituar këtu në të kaluarën, por shpresojmë ta bëjmë këtë sezon. Do të ketë një atmosferë të shkëlqyeshme”.
“Zgjedhja [për ta lënë Messin në shtëpi] vjen nga shumë ndeshje radhazi dhe ne do të kemi shumë më tepër tjera, kështu që për këtë arsye e lashë në shtëpi”.
“Nesër, portieri do të jetë Neto”, ka treguar trajneri.
Martinez është lidhur me katalanasit pas një fillimi mbresëlënës të sezonit, dhe trajneri nuk e mban bëri sekret admirimin për të.
“Ai është një lojtar i shkëlqyeshëm dhe ka një sezon të shkëlqyeshëm. Ai është i shpejtë dhe i fortë. Ai shënoi një gol të shkëlqyeshëm në ndeshjen e parë në Camp Nou”.
“E di që ai është i kënaqur me [Romelu] Lukakun, ata kanë gjetur mekanizmin e duhur për të ndihmuar Interin. Por Inter ka kaq shumë lojtarë të mirë, Lautaro, Lukaku, [Milan] Skriniar… ”, ka thënë Valverde. /Telegrafi/