Valon Berisha: E merituam kalimin në gjysmëfinale, skuadrat tjera do ta kenë vështirë ndaj neve  

Valon Berisha ka folur pas kualifikimit të Red Bull Salzburgut në gjysmëfinale të Ligës së Evropës.

Skuadra austriake ka arritur të bëhet befasia më e madhe e Ligës së Evropës për këtë sezon.

Salzburgu ka fituar ndaj Lazios me rezultat të thellë 4-1 duke siguruar kualifikimin në gjysmëfinale.

Lexo po ashtu Berisha dhe Salzburgu në histori, me rikthim fantastik eliminojnë Lazion dhe sigurojnë gjysmëfinalen e Ligës së Evropës

Ky kalim në gjysmëfinale është arritja më e madhe për skuadrën austriake që më parë nuk kishte arritur kurrë një gjë të tillë.

Pas kësaj fitore dhe kualifikimit në gjysmëfinale, ka folur ylli i Përfaqësueses së Kosovës, Berisha, i cili thotë se skuadra e tij e meritoi kalimin.

“Kemi pasur besim që mund të kthehemi dhe me ndihmën e tifozëve patëm fatin të kalojmë në gjysmëfinale”, ka thënë fillimisht Berisha pas ndeshjes.

Lexo po ashtu Salzburg 4-1 Lazio: Berisha ndër më të mirët, dëshpëron Strakosha me notën më të ulët

“E kemi merituar të kalojnë tutje në gjysmëfinale”.

“Ne besojmë në ekipin tonë. Është shumë e vështirë të fitojnë skuadra kundër neve”, përfundoi ylli i Kosovës. /Telegrafi/