Artistja me prejardhje shqiptare, Rita Ora, pak më parë publikoi një pjesë të shkurtër të klipit të saj të ri të quajtur, “Bang”.
Derisa kanë mbetur edhe pak ditë nga lansimi, në videon e shkurtër ajo tregoi se ka promovuar veshjet tradicionale shqiptare.
Prapa këtyre bëhet e ditur se qëndron stilisti i njohur shqiptar, Valdrin Sahiti, i cili në një postim të bërë në rrjete sociale thekson se krijoi këtë kryevepër për t’iu përshtatur asaj që këngëtarja ka bërë për vendin tonë.
“Rita Ora – krenaria dhe gëzimi i popullit shqiptar – së pari hapi dyert tona për botën dhe vendosi Kosovën në hartë. Edhe këtë herë, ajo po vazhdon të shkëlqejë dhe të na bëjë krenarë”.
“Për këtë projekt, ajo më tha se donte t’i “tregonte të gjithëve stilin tonë tradicional dhe etnografik”, kështu që unë krijova këtë kryevepër për t’iu përshtatur gravitetit të asaj që ajo ka bërë për vendin tonë”, ka shkruar ai.
“Bang” ndërkaq do të lansohet më 12 shkurt (e premte), për të cilën ka bashkëpunuar me artistët: David Guetta, Gunna dhe Khea. /Telegrafi/