Ndryshe nga vendet evropiane, Izraeli ka filluar me lehtësimin e masave kundër pandemisë derisa po zhvillon një fushatë të gjerë vaksinimi kundër COVID-19.
Parukeritë dhe disa biznese tjera u hapën nga dje.
Masat e izolimit ishin fuqizuar në muajin dhjetor të vitit 2020, pasi vendi u përballë me rritje të numrit të të infektuarve me coronavirus.
Vendi iu nënshtrua një taktike të mirëmenaxhuar të vaksinimit ku që prej dhjetorit, më shumë se 3.4 milionë qytetarë kanë marrë dozën e parë të vaksinës, raporton A2.
Një sërë masash mbeten ende në fuqi ndërkohë, derisa numri i vaksinimeve të kalojë masën 50 për qind.