Qeveria britanike i ka kërkuar rregullatorit të vlerësojë vaksinën e coronavirusit të zhvilluar nga Universiteti i Oksfordit në bashkëpunim me Astra Zeneca.
Kjo referencë në Agjencinë Rregullative të Barnave dhe Produkteve të Kujdesit Shëndetësor (MHRA), “shënoi hapin e parë të rëndësishëm drejt aprovimit të vaksinës”, tha qeveria.
Sipas BBC, përcjell Telegrafi, autoritetet në Britani të Madhe i kanë porositur tashmë 100 milionë doza të vaksinës së Oksfordit.
Kërkesa e fundit e qeverisë adresuar MHRA-s vjen një javë pasi rregullatorit iu kërkua edhe të vlerësojë vaksinën Pfizer-BioNTech.
“Ne i kemi kërkuar zyrtarisht rregullatorit për të vlerësuar vaksinën e Oksfordit, për të kuptuar të dhënat si dhe për të parë nëse vaksina plotëson standardet rigoroze të sigurisë”, u shpreh Sekretari i Shëndetësisë, Matt Hancock. /Telegrafi/