Policia e Nju Jorkut do të fillojë të vaksinojë zyrtarët e saj brenda dy javëve, dhe gjithçka do të bëhet në baza vullnetare, shkruan New York Post.
Policia do të krijoj tri “punkte” ku mund të vaksinohen në Nju Jork, e atyre do t’ju ofrohet vaksina e Moderna duke filluar nga 29 dhjetori, transmeton Telegrafi.
Zyrtarët policorë hyjnë në grupin e parë të qytetarëve që do të vaksinohen në Nju Jork, kurse për ta janë siguruar mbi 500 mijë doza.
Komandanti i policisë në Nju Jork, Dermot Shea, ka thënë se vaksinimi do të bëhet në baza vullnetare, “ngjashëm sikurse vaksinimi kundër gripit sezonal”.
Kohë më parë ishte kërkuar që vaksinimi i policëve në Nju Jork të mos jetë i obligueshëm, e pikërisht për këtë do të bëhet në baza vullnetare. /Telegrafi/