Vajza e vogël e Kimora Lee Simmons, Aoki Lee, bëri debutimin e saj zyrtar në pistë si pjesë e shfaqjes historike të Pyer Moss Couture.
Dizajneri Kirby Jean-Raymond prezantoi koleksionin e tij – pas një vonese dy-ditore për shkak të shiut.
Simmons, 18 vjeç, lëvizi me vetëbesim të madh e veshur me një kostum shahu që kishte të vendosur objekte shahu në të.
“Të shikosh Aoki Lee duke ecur për Pyer Moss ishte një moment i paharrueshëm për mua”, tha Kimora Lee Simmons. “Jam shumë krenare për besimin e saj në pistë, dhe kjo shfaqje ndihet veçanërisht e lidhur me atë që është si person.”
Ajo vazhdoi, “Aoki është një aktiviste e pasionuar dhe si një grua e re me ngjyrë, mesazhet e krijimit që Pyer Moss transmeton e bënë këtë moment kaq perfekt për debutimin e saj në pistë. Ajo po ekuilibron të qenit studente në Harvard dhe po ndërton karrierën e saj të modelimit në të njëjtën kohë – krenare është një nënvlerësim!”.
Kimora, 46 vjeçare, kishte karrierën e saj jashtëzakonisht të suksesshme të modelimit, pasi kishte punuar shumë ngushtë me të ndjerin Karl Lagerfeld në Chanel dhe kishte sfiluar në pasarela për marka të famshme si: Dior, Valentino, Fendi dhe më shumë. /Telegrafi/