Myrto Uzuni dhe Klaus Gjasula janë deklaruar për fitoren 1-0 që Shqipëria e mori ndaj Hungarisë në kualifikimet e Kupës së Botës.
Uzuni ka thënë se për të ishte një ndeshje speciale, pasi kishte disa fytyra të njohura përballë.
“Për mua ishte ndeshje speciale, sepse ndeshesha me lojtarë me të cilët stërvitem çdo ditë. Kjo ishte Shqipëria që duam. Kjo fitore na ngre shumë në renditje, duhet të japim më shumë dhe të djersitim më shumë për këtë fanellë. Jam në formën time më të mirë, po shënoj në Champions League, statistikat flasin vetë. Unë luaj atëherë kur më thotë trajneri”.
“Ne kishim rastet tona, duhet të punojmë më shumë, besoj se golat nuk do të na mungojnë, duhet t’i shfrytëzojmë më shumë rastet”, ka shtuar më tej Uzuni.
Ndërsa, Gjasula deklaroi se ishte një fitore e merituar, por që me Poloninë nuk kishin fat.
“Ishte një fitore e merituar, fatin që nuk e patëm në Poloni na erdhi këtu, me këtë golin e vonë, duhet të vazhdojmë, kemi ndeshje të vështira, duhet ta mbajmë grupin të hapur”, ka thënë ai.
“Më vjen keq që nuk do të luaj me San Marinon, e bëra faullin sepse nuk doja të ndëshkoheshim në atë moment”.
“Kartonat e verdhë? Është loja e haur e të dyja skuadrave dhe në shumë takime vjen momenti për të ndërhyrë dhe bërë faull. Pastaj jam pak llafazan, flas shumë me arbitrat dhe më ndëshkojnë”.
“Aktivizimi krah Bajramit? U pa qartë se çfarë vlere ka Bajrami për ekipin tonë, për të dhënë pasin e fundit dhe për të goditur portën. U duk sikur ka qenë prej kohësh pjesë e Kombëtares. Gëzohemi të gjithë që është pjesa jonë”, ka shtuar më tej ai. /ss/