Ushtria izraelite zbulon tunelin më të gjatë të Hezbollahut, brenda tij kishte ndriçim, hekurudhë e shkallë për t’u futur në Izrael (Video)

Ushtria izraelite ka njoftuar sot se i ka dhënë fund operacionit për shkatërrimin e tunelit të Hezbollahut, që kishte për qëllim të kryej sulme në Izrael.

Zëdhënësi i ushtrisë izraelite, Ronene Manelis ka deklaruar se të shtunën mbrëma kishin zbuluar tunelin e gjashtë dhe njëherit më të gjatin të cilin e kanë shkatërruar, duke e cilësuar kështu operacionin si të përfunduar, transmeton Telegrafi.

Ai ka vlerësuar se më zbulimin më të ri “është eliminuar kërcënimi që paraqiste ky tunel”, ka shtuar zëdhënësi i ushtrisë izraelite.

Tuneli është i gjatë qindra metra dhe dhjetëra persona mund të futen në territorin e izraelit duke përdorur këtë tunel. Manelis gjithashtu ka njoftuar se brenda tij kishte “hekurudhë për transportimin e pajisjeve, ndriçim dhe shkallë për hyrjen në territorin izraelit”. /Telegrafi/