Ushtria izraelite ka sulmuar të premten vonë rreth 150 objektiva nëntokësore në Rripin verior të Gazës.
Nëpërmjet një postimi në rrjetin social X, Forcat Ajrore të Izraelit publikuan gjithashtu edhe një video ku u kryen këto sulme, transmeton Telegrafi.
“Aeroplanët luftarakë të Forcave Ajrore sulmuan sonte rreth 150 objektiva nëntokësore në Rripin verior të Gazës”, thuhej në postimin e tyre.
מטוסי קרב של חיל-האוויר תקפו הלילה כ-150 מטרות תת-קרקעיות בצפון רצועת עזה.
במהלך התקיפה חוסלו מחבלים של ארגון הטרור חמאס והושמדו מנהרות לחימה, מרחבי לחימה תת-קרקעיים ותשתיות טרור תת-קרקעיות נוספות. pic.twitter.com/Ojwb7vo285— Israeli Air Force (@IAFsite) October 28, 2023
“Gjatë sulmit, u shkatërruan tunele luftarake, hapësira luftarake nëntokësore dhe infrastruktura të tjera nëntokësore terroriste, si dhe terroristët e Hamasit u eliminuan”.
Mbrëmjen e së premtes, forcat izraelite kishin intensifikuar sulmet ajrore në Gaza dhe banorët atje kishin thënë se bombardimet kishin qenë më intensivet që nga 7 tetori.
Sulmet erdhën derisa autoritetet në Izrael kishin rënë në konkludim se grupi Hamas po operonte brenda një tuneli nëntokësor që fshihej në spitalin më të madh në Rripin e Gazës.
Si rrjedhojë e bombardimeve, u raportua në Gaza edhe ndërprerje të internetit dhe si ndërprerje e shërbimeve celulare. /Telegrafi/