Ushtria izraelite hedhë në erë pallatin e drejtësisë në Gazë

Ushtria izraelite ka hedhur në erë ndërtesën kryesore të gjykatës në Rripin e Gazës i njohur si pallati i drejtësisë, që gjendej në jug të qytetit të Gazës.

Izraelitët publikuan pamjet në platformën X, ku shihet momenti kur ushtarët hedhin në erë ndërtesën shtatë katëshe që ishte hapur në vitin 2018, transmeton Telegrafi.

Radioja e ushtrisë izraelite pretendon se ndërtesa ishte përdorur si gjykatore e grupit palestinez militant Hamas.

Lexo po ashtu "Shpëtojnë për një fije floku në Tel Aviv", këmbësorët gati sa nuk u goditën nga pjesët e një rakete të rrëzuar

Ndërtimin e objektit e kishte financuar Katari, e që nga hapja kanë operuar ministria e Drejtësisë dhe Gjykata e Lartë me seli në Gazë.

Ushtria izraelite nga 7 tetori ka shkatërruar mbi 100 objekte qeveritare.

Hamasi që udhëheq me Rripin e Gazës nga viti 2007, ka njoftuar më herët se autoritetet izraelit shkatërruan çdo aspekt të jetë në Gazë, përfshirë shërbimet mjekësore. /Telegrafi/