Si shenjë nderimi dhe lamtumire, ushtria gjermane do të zhvillojë të enjten një paradë për hir të kancelares Angela Merkel dhe për 16 vitet e saj në pushtet.
Sipas medieve të huaja, përcjell Telegrafi, kancelarja në largim do të mbajë një fjalim të shkurtër para ceremonisë, që është planifikuar në orën 19:30.
Për shkak të pandemisë së coronavirusit, nuk do të ketë pritje dhe do të ketë një numër shumë më të vogël të të ftuarve se zakonisht. Presidenti Frank-Walter Steinmeier pritet të jetë i ftuari nderi, i shoqëruar nga bashkëshortja e tij Elke Buedenbender.
Një paradë e këtij lloji konsiderohet nderimi më i lartë që forcat e armatosura gjerman mund t’i bëjnë një civili.
Zakoni përdoret për të nderuar jo vetëm kancelarët, por edhe presidentët dhe ministrat e mbrojtjes në ceremonitë e tyre të lamtumirës.