Ushtari izraelit Betzalel Taljah u kthye në komunitetin ‘kibbutz’ ku jetonte nëna e tij 63-vjeçare pasi u sulmua nga Hamasi gjatë fundjavës. Kur mbërriti, ai zbuloi se ajo ishte vrarë dhe trupi i saj ishte “plot me plumba”.
Taljah tha se kur gjeti trupin e saj, ai pa se ajo u qëllua nga “koka te këmbët”. Ushtari deklaroi se ajo kishte pasur një qese me ushqime për t’u dhënë fëmijëve në lehtësimin e frikës së tyre nga sulmi.
Por, në fund, ajo nuk kishte arritur të gjente një vend të sigurt në kohë, potencoi Taljah.
“Mamaja ime ishte një person shumë i mirë”, u shpreh ai. “Unë do të doja që ta kujtonin të gjithë”.
Talijah potencoi se militantët e Hamasit e kishin parë sulmin “si një lojë”.
Ndryshe, janë bërë pesë ditë prej kur filluan luftimet mes ushtrisë izraelite dhe grupit militant palestinez Hamas.
Grupi militant nisi një sulm me raketa mëngjesin e së shtunës drejt Tel Avivit duke mobilizuar po ashtu edhe trupat tokësore në jug të vendit, duke sulmuar komunitete.
Izraeli me këtë rast nisi sulmet ajrore në Rripin e Gazës duke rrethuar po ashtu të gjithë territorin e tij me trupa tokësore.
Qindra njerëz kanë vdekur nga të dyja anët e luftimeve. /Telegrafi/