Ushtarët izraelitë sulmuan një xhami në Jenin: Prishën inventarin dhe kryen lutje hebraike

Në një video që po qarkullon në mediat sociale, një ushtar izraelit shihet duke recituar lutje hebraike në një xhami në Jenin.

Videoja shfaq ushtarin duke mbajtur një mikrofon dhe duke recituar “Shema Yisrael”, në të njëjtin vend që imami bën thirrje për namaz, raporton thetimesofisrael.

Tashmë autoritetet ushtarake izraelite kanë pezulluar ushtarët që kënduan këngë Hanukkah në faltoren myslimane.​

Lexo po ashtu Ministri izraelit i Mbrojtjes: Hamasi nuk do të mund të mposhtet aq shpejt sa që mendohet

Ndërkohë, sulmet e ushtrisë izraelite në qytetin e pushtuar të Jeninit në Bregun Perëndimor kanë rezultuar me një numër të madh viktimash që kur filluan të martën dhe tani kanë hyrë në ditën e tyre të tretë.

Tetë palestinezë janë vrarë vetëm në kampin e refugjatëve Jenin që nga e marta, njoftoi Ministria palestineze e Shëndetësisë. Që nga 7 tetori, forcat izraelite kanë vrarë 58 persona, përfshirë fëmijë në Jenin.

Lexo po ashtu Një pjesë e raketës së shkatërruar të Hamasit, bie në një supermarket në Izrael

Kamal Abu al-Rub, guvernatori në detyrë i Jeninit, tha se shumë forca izraelite po lëviznin drejt qytetit dhe kampit, duke shënuar inkursionin e 15-të të ushtrisë në zonë që nga 7 tetori.

Të paktën 283 palestinezë të Bregut Perëndimor, përfshirë 64 fëmijë janë vrarë në sulmet izraelite dhe më shumë se 4000 janë arrestuar që nga fillimi i luftës. /Telegrafi/