Manchester Unitedit thuhet se i është ofruar mundësia e transferimit të Samuel Umtitit nga Barcelona.
Mbrojtësi francez nuk është më i dëshiruar në Camp Nou, andaj në afatin kalimtar të verës pritet që të largohet nga Blaugranasit.
Edhe Umiti nuk është i lumtur me hapësirën që i është dhënë te katalunasit, derisa është i gatshëm që të fillojë një aventurë të re.
Sipas asaj që raporton Daily Star, Djajtë e Kuq janë shumë afër t’i marrin shërbimet e lojtarit, mirëpo që duhet diskutuar paga e tij.
Në garë për transferimin e francezit besohet të jetë edhe Arsenali, mirëpo Unitedi po i prinë garës për të.
Interesim për fituesin e Kupës së Botës kanë shfaqur edhe skuadrat nga Serie A dhe Bundesliga. /Telegrafi/