Manchester Unitedit i është bërë e qartë se duhet të shpenzojë shumë para për t’i siguruar shërbimet e Rasmus Hojlund.
Daily Mail raporton se Atalanta i ka vënë çmim rekord sulmuesit 20 vjeçar në vlerë prej 100 milionë euro.
Futbollisti danez konsiderohet ndër qendërsulmuesit premtues për të ardhmen, ashtu që Djajtë e Kuq duhet t’i llogaritin gjërat para se të marrin vendimin për të shpenzuar.
Harry Kane e Victor Osimhen kanë qenë opsionet primare të Erik ten Hag, mirëpo trajneri ka vendosur për lojtarë më të rinj, si Hojlund dhe sulmuesi i Brightonit, Evan Ferguson.
Sidoqoftë, gjërat mund të ndryshojnë shpejt në rast se zyrtarizohet shitja e klubit. /Telegrafi/