Talenti i madh anglez i Borussia Dortmundit, Jadon Sancho, është objektivi kryesor i Manchester Unitedit për afatin e verës.
18-vjeçari anglez u transferua në vitin 2017 nga Mancheste City te Dortmundi për një shifër rreth 10 milionë euro.
Megjithatë, Sancho ka arritur të shkëlqej me fanellën e klubit gjerman duke befasuar të gjithë me rendimentin e treguar.
Paraqitjet e mira me gola dhe asistime për Dortmundin kanë bërë që Sancho të pëlqehet shumë nga klubet e mëdha evropiane.
Një nga to padyshim se është klubi anglez ndaj Old Trafford, Unitedi, që synon transferimin e Sanchos.
Sipas mediumit britanik Metro, Djajtë e Kuq e kanë etiketuar Sanchon si objektivin kryesor për afatin kalimtar të verës.
Dortmundi e vlerëson talentin e tyre në 90 milionë funte apo rreth 103 milionë euro, por dëshira e Unitedit për të rivendosur dominimin e tyre mund të çojë deri në pagesën e kësaj shifre.
Sancho ka shënuar 7 gola dhe ka bërë 12 asistime në 26 ndeshje në të gjitha garat me Dortmundin, ndërsa interesim për të ka shprehur edhe Barcelona, Real Madridi dhe Bayern Munichu. /Telegrafi/