Manchester Unitedi po shqyrton një marrëveshje për mesfushorin e Juventusit, Federico Bernardeschi.
Bernardeschi është shfaqur si një mundësi alternative për Unitedin nëse nuk arrijnë të nënshkruajnë me yllin e Borussia Dortmundit, Jadon Sancho.
Sipas gazetës italiane Tuttosport, Djajtë e Kuq kanë pyetur mbi mundësinë e nënshkrimit të lojtarit të gjithanshëm italian.
Ky medium shton se Juventusi është i gatshëm ta lejojë largimin e Bernardeschin për shifrën e kërkuar.
32 milionë funte apo rreth 35 milionë euro është shuma që kampioni italian kërkon për shërbimet e ish-yllit të Fiorentinës.
Bernardeschi e ka gjetur veten jashtë sistemit të trajnerit të Juves, Maurizio Sarri, këtë sezon, duke mos arritur të bëjë një rol të përhershëm. /Telegrafi/