Manchester Unitedi është i bindur se mesfushori i Interit, Ivan Perisic, do të jetë lojtari i tyre për sezonin e ardhshëm.
Mesfushori kroat i Interit është i pëlqyeri i trajnerit Jose Mourinho dhe kjo gjë nuk është më një sekret, pasi deri më tani kanë dërguar disa oferta, por të cilat janë refuzuar nga italianët.
Një ofertë më herët prej 30 milionë funteve për reprezentuesin e Kroacisë u refuzua, dhe Unitedi tani pritet të paguajë një tarifë prej 45 milionë apo 50 milionë funteve që Interi është duke kërkuar.
Sipas The Independent, Djajtë e Kuq janë të bindur se kanë përfunduar një marrëveshje për të nënshkruar me Ivan Perisic për rreth 50 milionë eurove transferim ky që do bëhet brenda javës.
Trajneri i ri i Interit, Luciano Spalletti ka planifikuar bisedime për të diskutuar të ardhmen me Perisic, i cili thuhet se tashmë ka pranuar kushtet personale për të shkuar në Old Trafford. /Telegrafi/