Manchester Unitedi është i bindur se mund të transferojnë mbrojtësin e Juventusit, Matthijs de Ligt, këtë verë.
Sipas mediumit The Sun, 20-vjeçari holandez nuk ka arritur të bind te Bianconerët pas transferimit nga Ajaxi dhe mund të largohet në afatin e ardhshëm kalimtar.
Kjo thuhet se mund të hapë rrugën për një lëvizje të mundshme të të drejtuesve të Unitedit për ta transferuar De Ligtin në Old Trafford.
Drejtuesit e Djajve të Kuq mund të përfshijnë edhe 27-vjeçarin Paul Pogba në një marrëveshje të mundshme, pasi francezi është në vitin e fundit të kontratës.
Fituesi i Kupës së Botës do të pëlqente mundësinë e një rikthimi te Juve, pasi u largua në vitin 2016, ndërsa edhe Juventusi pëlqen ende ish-yllin e tyre.
Ole Gunnar Solskjaer do të mirëpriste gjithashtu mundësinë e ardhjes së De Ligt, pasi do të luante në mbrojtjen me tre, së bashku me Harry Maguire dhe Victor Lindelof. /Telegrafi/