Manchester Unitedi thuhet se ka arritur marrëveshje personale me mesfushorin e Sporting Lisbona, Bruno Fernandes.
Sipas mediumit të njohur ESPN, Djajtë e Kuq tashmë kanë rënë dakord me kushtet personale me mesfushorin portugez, por transferimi ende varet nga gjetja e një marrëveshje me Sportingun.
Unitedi ka zhvilluar bisedime me ekipin portugez në lidhje me nënshkrimin e mesfushorit këtë muaj, por ende nuk është arritur një marrëveshje mes klubeve.
Vlera e Fernandesit sipas Sportingut është rreth 80 milionë euro, ndërsa Unitedi është i gatshëm të paguajë afër 60 milionë euro.
25-vjeçari, i cili ka 19 paraqitje me Portugalinë, është i gatshëm të transferohet në Old Trafford pas bisedimeve që kanë përfshirë agjentin Jorge Mendes, por po pret që Sportingu dhe United të gjejnë një kompromis deri në fund të afatit kalimtar.
Sporting ka refuzuar mundësinë për të marrë portierin Joel Pereira si pjesë të marrëveshjes ndërsa përpjekjet e tyre për të nënshkruar mbrojtësin Marcos Rojo deri më tani janë kundërshtuar. /Telegrafi/
Man United have agreed personal terms with Bruno Fernandes but the transfer still hinges on finding an agreement with Sporting Lisbon, sources have told ESPN. pic.twitter.com/0w5LAlKUvG
— ESPN FC (@ESPNFC) January 16, 2020