Manchester United është duke kërkuar një mbrojtës të krahut të djathtë dhe Denzel Dumfries mbetet objektivi kryesor i tyre.
Mbrojtësi i djathtë holandez ka shkëlqyer në vitin e tij të parë me Interin duke qenë ndër anësorët më të mirë në Evropë.
Në 45 ndeshje zyrtare në të gjitha garat, Dumfries realizoi pesë gola dhe dhuroi shtatë asistime me fanellën zikaltër.
Erik Ten Hag e pëlqen shumë futbollistin dhe i ka bërë të qartë drejtuesve të klubit se e dëshiron në Old Traford për sezonin e ri, pasi Aaron Wan Bissaka dhe Diego Dalot nuk po e bindin holandezin.
Mediat në Ishull kanë raportuar se Djajtë e Kuq janë duke bërë gati një ofertë prej 40 milionë euro për transferimin e reprezentuesit holandez në Old Traford.
26-vjeçari është i lumtur në Itali, por United mund t’i ofrojë deri në gjashtë milionë euro pagë vjetore dhe ai mund të tundohet nga oferta e tyre.
Gjithsesi gjatë javës së ardhshme gjiganti anglez pritet ta dorëzojë ofertën te Interi për t’i marrë shërbimet e holandezit. /Telegrafi/