Manchester United duket se do të jetë tejet aktive në afatin kalimtar të verës.
Pasi triumfuan në finalen e Ligës së Evropës, ‘Djajtë e Kuq’ janë rikthyer në Ligën e Kampionëve ku synojnë të tregohen protagonist.
Trajneri portugez i Unitedit, Jose Mourinho po synon të përforcojë skuadrën me emra cilësorë.
Në listën e dëshirave janë edhe dy futbollistët e padëshiruar te Bayern Munichu, Douglas Costa dhe Renato Sanches.
Sipas medieve gjermane, United është e gatshme të dalë me një ofertë zyrtare në drejtim të Bayernit për dy yjet.
‘Djajtë e Kuq’, pritet të ofrojnë rreth 60 milionë euro për transferimin e Costas dhe Sanchesit në ‘Old Traford’.
Bayern ka konfirmuar se dy lojtarët do të largohen nga ekipi, por mbetet të shihet nëse do të kënaqen me ofertën e Unitedit apo do të shikojnë ofertat e skuadrave tjera. /Telegrafi/
