Portieri Samir Ujkani ia ka bërë një dhuratë mbrojtësit Amir Rrahmanit, në prag të ndeshjeve të nëntorit.
Me t’u grumbulluar për ndeshjet e Kosovës me Çekinë të enjten dhe Anglinë të dielën, portieri Samir Ujkani ia ka bërë një dhuratë të bukur kapitenit, Amir Rrahmani.
Bëhet fjalë për fanellën e Torinos, klub në të cilin u transferua këtë verë portieri i “Dardanëve”.
“Faleminderit vëlla për dhuratën”, ka shkruar Amiri në rrjetet sociale, teksa ka postuar foto me fanellën veshur të Torinos.
Ujkani është kapiteni i parë i Kosovës, ndërsa në mungesë të tij Rrahmani e mban shiritin e kapitenit. /Telegrafi/